ಬಿಡುಗಡೆಯಂದೇ ನೂರು ಪ್ರದರ್ಶನ ಕಂಡಿರುವ ಮೊದಲ ಮತ್ತು ಸದ್ಯದ ಮಟ್ಟಿಗೆ ಏಕೈಕ ತುಳು ಚಿತ್ರ ಗಿರಿಗಿಟ್. ಮೊದಲ ವಾರದಲ್ಲೇ ಕಲೆಕ್ಷನ್ ಕೋಟಿ ದಾಟಿದಂಥ ಮೊದಲ ಚಿತ್ರ. ಕಾರ್ಕಳದಲ್ಲಿ 25ನೇ ವಾರ ಪೂರ್ತಿ ಮಾಡಿರುವುದು, ದುಬೈನಲ್ಲಿ ಏಳು ವಾರ ಪ್ರದರ್ಶನ ಕಂಡಿರುವುದು, ಇಸ್ರೇಲ್ ನಲ್ಲಿ ಎರಡು ಶೋ ಪಡೆದುಕೊಂಡಿರುವುದು, ಒಟ್ಟು ಓವರ ಸೀಸ್ ನಲ್ಲಿ ಹೆಚ್ಚು ಪ್ರದರ್ಶನ ಕಂಡಿರುವುದು.. ಹೀಗೆ ಪ್ರತಿಯೊಂದು ವಿಚಾರದಲ್ಲಿಯೂ ಗಿರಿಗಿಟ್ ತನ್ನದೇ ದಾಖಲೆ ಮೂಡಿಸಿಕೊಂಡಿದೆ. ತುಳುವಿನಿಂದ ಹೊರಗೆ ಲೆಕ್ಕಾಚಾರ ಮಾಡಿದಾಗ ಕೂಡ, ಬುಕ್ ಮೈ ಶೋನಲ್ಲಿ 94% ಪಡೆದುಕೊಂಡ ವರ್ಷದ ಪ್ರಥಮ ಚಿತ್ರವಾಗಿ ಗಿರಿಗಿಟ್ ಸ್ಥಾನ ಪಡೆದುಕೊಂಡಿದೆ. ಗೋವಾ, ಅಮೆರಿಕಾದಲ್ಲಿ ಬಿಡುಗಡೆಯಾದ ಪ್ರಥಮ ತುಳು ಚಿತ್ರ ಇದು ಆಗಿದ್ದು, ನೈಜೀರಿಯಾದಲ್ಲಿ ಪ್ರದರ್ಶನ ಏರ್ಪಡಿಸುವ ಯೋಜನೆ ಹಾಕಲಾಗಿದೆ ನಾಯಕ ಹಾಗೂ ನಿರ್ದೇಶಕರಾಗಿರುವ ರೂಪೇಶ್ ಶೆಟ್ಟಿ ಪಾಸಿಟಿವ್ ಪಿಕ್ಚರ್ ಗೆ ಮಾಹಿತಿ ನೀಡಿದ್ದಾರೆ.

ಚಿತ್ರದ ನಾಯಕಿಯಾಗಿ ಕಿರುತೆರೆಯ ಜನಪ್ರಿಯ ನಟಿ ಶಿಲ್ಪಾ ಶೆಟ್ಟಿ ಅಭಿನಯಿಸಿದ್ದು, ಕನ್ನಡ ಚಿತ್ರಗಳ ಮೂಲಕವೂ ಗುರುತಿಸಲ್ಪಡುತ್ತಿರುವ ಕುಸೆಲ್ದರಸೆ ಬಿರುದಾಂಕಿತ ನವೀನ್ ಡಿ ಪಡೀಲ್, ಅರವಿಂದ ಬೋಳಾರ್ ಮೊದಲಾದ ಖ್ಯಾತನಾಮ ತಾರೆಯರು ಚಿತ್ರದಲ್ಲಿದ್ದಾರೆ.