ರಂಗಿ ತರಂಗ ಎನ್ನುವ ಹೆಸರು ಕನ್ನಡದ ಜನಪ್ರಿಯ ಸಿನಿಮಾ ಮೂಲಕ ಪ್ರಚಾರ ಪಡೆದುಕೊಂಡಿರುವಂಥದ್ದು. ಆದರೆ ಈ ಅಂಕಣದಲ್ಲಿ ಕನ್ನಡದ ಜತೆಗೆ ದೇಶದ ಇತರ ಪ್ರಮುಖ ಚತುರ್ಭಾಷಾ ಚಿತ್ರರಂಗದ ಮಾಹಿತಿಗಳು ಕೂಡ ಲಭ್ಯ ಇರುತ್ತವೆ. ತಮಿಳು, ತೆಲುಗು, ಮಲಯಾಳಂ ಮತ್ತು ಹಿಂದಿ ಭಾಷೆಗಳ ಚಿತ್ರರಂಗದ ಮಾಹಿತಿಗಳನ್ನು ನೀಡುವಾಗ ಆ ಚಿತ್ರರಂಗದ ಜತೆಗೆ ಸಂಬಂಧ ಇರಿಸಿರುವ ಕನ್ನಡಿಗರ ಬಗ್ಗೆ ಮತ್ತು ಅಲ್ಲಿಂದ ಬಂದು ಕನ್ನಡದಲ್ಲಿ ಕೆಲಸ ಮಾಡುತ್ತಿರುವ ಪ್ರತಿಭೆಗಳ ಬಗ್ಗೆ ತಿಳಿಸುವಂಥ ಕೆಲಸವನ್ನು ಮಾಡುತ್ತೇವೆ. ಹಾಗಾಗಿ ಮಲಯಾಳಂ ಚಿತ್ರರಂಗಕ್ಕೆ ಸಂಬಂಧಿಸಿದಂತೆ `ಮಲ್ಲು ಮೆಲೊಡೀಸ್’ ನಲ್ಲಿ ಮಲಯಾಳದ ಸಂಗೀತ ನಿರ್ದೇಶಕರು, ಗಾಯಕರು ಮತ್ತಿತರ ಪ್ರತಿಭೆಗಳ ಬಗ್ಗೆ, ಕಾಲಿವುಡ್ ಕುರಿತಾದ ಸುದ್ದಿಗೆ ‘ತಮಿಳ್ ತೇರು’ ಎಂದು ಹೆಸರಿಟ್ಟು ತಮಿಳು ಚಿತ್ರರಂಗದ ತೇರು ಏರಿರುವ ಕನ್ನಡಿಗರ ಬಗ್ಗೆ, ಒಟ್ಟು ತೆಲುಗು ಚಿತ್ರರಂಗದ ಕುರಿತಾದ ವಿವರಗಳನ್ನು `ತೆಲುಗು ತೀರ’ದ ಮೂಲಕ ಮತ್ತು ಬಾಲಿವುಡ್ ಸಂಗತಿಗಳನ್ನು `ಹಲೋ ಮುಂಬೈ’ ಮೂಲಕ ನಿಮ್ಮ ಮುಂದಿಡುವ ಪ್ರಯತ್ನ ಮಾಡಲಿದ್ದೇವೆ.